DEDICATED TO MAH GRANDMA WHO LOVES ME A LOT..!


Seedhi par pairo ki aahat
Maano pehchaan vo jaati thi

Baahon me bharne ko mujhe bas
Daudi chali aati thi

Bachpan me daadi me meri
Mamta vo jhalak aati thi

Aankhein meri dekh vo chehra
Anayaas hi chhalak jaati thi

Nishchhal man, mamta ki moorat
Kuch aisa keh jaati thi

Saawan ke aa jaane se kbhi
Dharti jyon lehlehaati thi

Use dekh baal man mera
Yun gadgad ho jaata tha

Mamta ke us saagar mein jaise
Jahaaz dil hichkole khaata tha

Nanhe haathon ko thaam mere vo
Khushi se gale lagaati thi

'Laalu yadav-raaja beta'
Kehkar mujhe bulati thi

Uske aanchal me mera
Sansaar doob sa jaata tha

Sabki daant se laalu ko
Chhupne ko panaah mil jaati thi

Kabhi daant-ti kbhi rulaati
Vo chillaya karti thi

Bitha god me, aansu pochh
Yun manaaya karti thi

'Har-har mahadev' vo jab jab gaati
Main use dekh jaaya karti thi

Nehlaati-nehlaati mujhko
Tab rone se bachaaya karti thi

Din bhar uchhal-kood kar chulbuli
Main ithlaaya karti thi

Thak raat ko jab main roti
Vo sehlaaya karti thi

Jab bimaar padne par mere
Raato ko jaaga karti thi

Ek aah sunne par meri
Kitna bhaaga karti thi

Maaf kar deti vo bhool har meri
Yeh soch muskura jaati hun

Kaise jataaun pyaar main uska
Shabdo ka mol na paati hun

Ab bhi baarish ki boondo mein
Mor naachta gaata hai

Kohinoor khaak hai jiske aage
Vo pal ab kahaan mil paata hai

Rama hua vo drishya hriday mein
Maa teri yaad dilaata hai

Aur,,

Us Maa ko tarasta man yeh
Pyaasa hi reh jaata hai...!